ვენერა აბუსელიძის ბლოგი

Monday, July 8, 2019

კითხვარი მასწავლებელთა თანამშრომლობის ხარისხის შესაფასებლად

https://docs.google.com/forms/d/1pPrKXQyeuqdR0BTfh0xINes8eqE_GiMt3iHHfDGInjI/edit

Saturday, June 22, 2019

Saturday, June 15, 2019

მოსწავლეებს ხშირად უჩნდებათ კითხვა π რიცხვის მნიშვნელობის შესახებ. რატომღაც ყოველთვის ბუნდოვანია მათთვის π რიცხვის არსი. არის მუდმივა და მეტი არაფერი. ერთხელ მეგობარმა მიმიწვია π რიცხვის დაბადების დღეზე - 14 მარტს - 14.03. ამის შემდეგ გამიჩნდა იდეა, რომ ჩემი მოსწავლეებისათვის შემექმნა რაიმე სახალისო, რომლითაც ისინი ადვილად დაიმახსოვრებდნენ პი რიცხვის მნიშვნელობას.

,, π რიცხვი მიიწვიეს მსოფლიო მუდმივების ფორუმზე, სადაც გამოდიოდნენ მუდმივობის კორიფეები: გრავიტაციული მუდმივა, პლანკის მუდმივა, ელექტრული მუდმივა, უნივერსალური მუდმივა და სხვ. π -მ გადაწყვიტა ფორუმზე ულამაზესად წარმდგარიყო. რამდენი წელია არ გაზრდილა, სულ 3.14-ია. დროა შევიცვალო იმიჯიო.დაურეკა თავის დიზაინერს, პითაგორას და თხოვა რაიმე ორიგინალური მოეფიქრებინა მისთვის. პითაგორამ დასცინა, რა მოგიფიქრო ,ორი ჯოხი ხარ თავზე კიდევ ჯოხით წაკვეთილიო. ძალიან გაბრაზდა საბრალო π. გადაწყვიტა გაეზარდა საკუთარი მნიშვნელობა. მოიტანა კიბე, მიაყუდა წრეწირს და ყოველი მხრიდან გაზარდა წრეწირის სიგრძე. გახარებულმა სასწრაფოდ ჩამოირბინა კიბიდან და წრეწირის მონაცემები

ჩასვა თავის ფორმულაში 2PR/D. ჰოი საკვირველებავ, პასუხი ისევ 3.14-ია.

ძალიან მოიწყინა π-მ. მოიტანა ნარი, დადო თავის წრეწირში და წამოწვა. გადაწყვიტა არსადაც აღარ წასულიყო. ამ ამბავმა დიდი შეშფოთება გამოიწვია მსოფლიო მუდმივების საზოგადოებაში. განა შეიძლებოდა ფორუმს დიადი π არ დასწრებოდა? პიმაც ბევრი ფიქრის და დარდის შემდეგ გადაწყვიტა, რომ ბავშვებს ძალიან გაუჭირდებოდათ უმისოდ: როგორ გამოთვლიდნენ წირით სიჩქარეს, კუთხურ სიჩქარეს, რხევის პერიოდს და სხვ? იგი დარწმუნდა თავის სიდიადეში და გაემგზავრა ფორუმზე, რითაც ყველა გაახარა.

ბნელი მატერიები. შავი ხვრელები

აქ მინდა გაგაცნოთ ჩემი მოსაზრება შავი ხვრელებისა და ბნელი მატერიების შესახებ.როგორც ცნობილია დიდ აფეთქების შემდეგ ჩვენი სამყარო მზარდი სიჩქარით ფართოვდება და ცივდება...ეს როგორ ხდება, თუ ცივდება, სიჩქარე როგორ იზრდება?საიდან ღებულობს ენერგიას? შავი ხვრელებიდან? კი, მე ასე ვფიქრობ, იმ ბნელი მატერიიდან, რომელიც საგულდაგულოდ და სამუდამოდ დამალულია ჩვენთვის, რათა ჩვენ იგი ვერასოდეს ვნახოთ, მაგრამ იგი აწონასწორებს სამყაროს, იზიდავს თავისკენ და არ აძლევს საშუალებას ,რომ უცებ გაიშალოს და გაფართოვდეს! ან ჩვენ საერთოდ ხომ არ ვიმყოფებით შავ ხვრელში, უფრო ზუსტად მის შუაგულში! ეს ის შავი ხვრელებია, გვირაბებს რომ ეძახიან, სულების გზა. სამყარო ამოუცნობია, გამოცანებითაა სავსე, მაგრამ იგრძნობა, ის აშკარა კანონზომიერება, რითაც ყველაფერი უშუალო კავშირშია ერთმანეთთან!

2 p \frac{d}{d r} [r]

საგანმანათლებლო ბმულები

საგანმანათლებლო ვებგვერდები თავიანთი განმარტებებით:
https://drive.google.com/file/d/1q9xUOCnSEqrkU0daDDYGS_3Kh9jQ2Abl/view?usp=sharing

Tuesday, June 11, 2019

საგანმანათლებლო გაკვეთილის ნიმუშები

ბიოლოგია

ისტორია

მუსიკა

რუსული ენა

სპორტი

ქართული ენა და ლიტერატურა

Saturday, June 8, 2019

სტაჟირება პოლონეთში

2018 წლის 15-21 სექტემბერს ვიმყოფებოდი პოლონეთის ქალაქ ვარშავის ,,კოპერნიკის სამეცნიერო ცენტრში." ამ სტაჟირებაზე გასამგზავრებლად გავიმარჯვე კონკურსში, რომელიც ჩაატარა ბათუმის მასწავლებელთა სახლმა.შეგვარჩიეს 11 მასწავლებელი საბუნებისმეტყველო საგნებიდან. ჯგუფს ხელმძღვანელობდა მასწავლებელთა სახლის დირექტორის მოადგილე ლალი ლომთათიძე. უნდა ითქვას, რომ დაუვიწყარი ერთი კვირა გვაჩუქა მასწავლებელთა სახლმა: ეს იყო საინტერესო ლექციებითა და ექსპერიმენტებით დატვირთული დღეები. გვქონდა შეხვედრები ფონდთან-,,სკოლა კლასთან", რომლებმაც დიდი დახმარება გაგვიწიეს სასკოლო კლუბების ჩამოყალიბებისა და წარმართვის საქმეში.უშუალოდ მივიღე მონაწილეობა ფიზიკის ექსპერიმენტებში, რომელიც ჩავატარე კოპერნიკის ცენტრში. აქვე დავათვალიერე პლანეტარიუმი, რომელიც თანამედროვე უახლესი აპარატურით დაამზადა იაპონიის მხარემ. პლანეტარიუმის შთაბეჭდილებებიდან ჯერ კიდევ არ გამოვსულვარ. დავათვალიერეთ ვარშავის უნივერსიტეტის მწვანეში ჩაფლული უნიკალური ბიბლიოთეკა, რომელიც სახურავზე მდებარეობს. ვესტუმრეთ ვარშავის ერთ-ერთ საუკეთესო სკოლას, რომელიც იყენებს თანამედროვე მიდგომებს სწავლებისას. დავესწარით ქიმიის გაკვეთილს. კოპერნიკში ნანახი ძალიან ბევრი ექსპერიმენტი უკვე გავიმეორე ჩემს გაკვეთილებზე, კლუბზე, რამაც მოსწავლეთა დიდი ინტერესი გამოიწვია: გავაკეთეთეთ ,,პირველი ფილმი", ,,თამაში იო-იო", ,,როგორ ვაჭამოთ ალფას", გემი ჭიქაში"..ეს და სხვა. ექსპერიმენტები გავიტანე სამეცნიერო პიკნიკზე, რომელიც კერძო სკოლა ,,შპს განათლებაში" ჩავატარე. პიკნიკი კოპერნიკში სტაჟირებას მივუძღვენი, სადაც მოწვეული მყავდა მასწავლებლები და მოსწავლეები აჭარის ყველა კუთხიდან. მოვუყევი ჩემს მეგობრებსა და მოსწავლეებს ამ ცენტრის შესახებ და ვაჩვენე იქაური ექსპერიმენტები., ვასწავლე თუ როგორ შეიძლება მათი ჩატარება სასკოლო პირობებში. ამ სტაჟირებამ კიდევ ერთხელ დამარწმუნა, რომ მოვიდა დრო--ვასწავლოთ ბავშვებს უშუალო შეხებით, აღმოჩენებით, დასკვნებით, და არა ფორმულების გაზეპირებით. მადლობა ბათუმის მასწავლებელთა სახლს, რომელიც განუწყვეტლივ ზრუნავს ჩვენი კვალიფიკაციის ამაღლებისათვის.